fbpx
Wikipedia

George VI van die Verenigde Koninkryk

George VI (Albert Frederick Arthur George; 14 Desember 1895 – 6 Februarie 1952) was van 11 Desember 1936 tot met sy dood koning van die Verenigde Koninkryk en die Britse Dominiums. Hy was die laaste keiser van Indië (tot 1947) en die laaste koning van Ierland (tot 1949). Hy was ook die eerste hoof van die Statebond.

George VI
Koning van die Verenigde Koninkryk en die Britse Dominiums; Keiser van Indië

Koning George VI, omtrent 1940–1946.
Vorstehuis Windsor
Titels SM die Koning
SKH die Hertog van York
SKH prins Albert
SKH prins Albert van Wallis
SKH prins Albert van Cornwallis en York
SKH prins Albert van York
Regeer 11 Desember 19366 Februarie 1952
Keiser van Indië: 1936–1947
Koning van Ierland: 1936–1949
Kroning 12 Mei 1937
Voorganger Edward VIII
Opvolger Elizabeth II
Volle naam Albert Frederick Arthur George
Gebore 14 Desember 1895; Sandringham House, Norfolk
Oorlede 6 Februarie 1952; Sandringham House, Norfolk
Begrawe 15 Februarie 1952; St. George-kapel, Windsor
Eggenote Elizabeth Bowes-Lyon
Kinders Elizabeth II
Prinses Margaret, Gravin van Snowdon
Vader George V
Moeder Mary van Teck

As die tweede seun van koning George V is nie verwag dat hy koning sou word nie. Hy het tydens die Eerste Wêreldoorlog in die Britse Vloot gedien en daarna die gewone openbare verpligtinge nagekom. Hy is in 1923 met lady Elizabeth Bowes-Lyon getroud en die egpaar het twee dogters gehad: Elizabeth II, die huidige koningin, en prinses Margaret.

Met die dood van sy pa in 1936 het sy broer die troon bestyg as Edward VIII. Minder as ’n jaar later het Edward egter geabdikeer om met die geskeide Amerikaanse sosiale vlinder Wallis Simpson te trou. George het toe die troon bestyg as die derde monarg van die Huis van Windsor.

Binne 24 uur van sy troonbestyging het die Ierse parlement ’n wet deurgevoer wat die monarg wesenlik van mag ontneem het in Ierland. Drie jaar later was die hele Britse Ryk behalwe Ierland betrokke in die Tweede Wêreldoorlog teen Nazi-Duitsland. ’n Groot gevolg van die oorlog was die agteruitgang van die Britse Ryk, met die VSA en die Sowjetunie wat supermoondhede geword het. Met die onafhanklikwording van Indië en Pakistan in 1947 en die stigting van die Republiek van Ierland in 1949 is die Britse Ryk opgebreek en het dit oorgegaan in die Statebond.

Vroeë lewe

 
Vier konings: Edward VII (heel regs), sy seun George, Prins van Wallis (heel links) en kleinseuns prins Albert (voor) en Edward (agter), c. 1908.

Die toekomstige George VI was algemeen bekend as prins Albert en in sy familie as Bertie.[1] Hy is by Sandringham House in Norfolk gebore tydens die bewind van sy oumagrootjie koningin Victoria. Sy pa was prins George, die Hertog van York, (later George V), die tweede en oudste oorlewende seun van die Prins (later Edward VII) en Prinses (later koningin Alexandra) van Wallis. Sy ma was die Hertogin van York (later koningin Mary).

Albert was dikwels siek en het "maklik geskrik en was geneig tot trane".[2] Hy het jare lank gestotter en het chroniese maagprobleme gehad. Hy is ook gedwing om met sy regterhand te skryf, hoewel hy van nature linkshandig was.[3]

Koningin Victoria is op 22 Januarie 1901 oorlede en haar oudste seun het haar opgevolg as koning Edward VII. Die Hertog van York het die nuwe Prins van Wallis geword. Prins Edward was die tweede aanspraakmaker op die troon en prins Albert die derde. Toe Edward VII op 6 Mei 1910 oorlede is, het Albert se pa koning George V geword. Prins Edward het op 2 Junie 1910 die Prins van Wallis geword en Albert was toe die tweede aanspraakmaker op die troon.

Huwelik

In ’n tyd toe dit gebruiklik was vir koninklikes om met ander koninklikes te trou, was dit ongewoon dat Albert ’n vrye keuse van ’n vrou gehad het. In 1920 het hy lady Elizabeth Bowes-Lyon, die jongste dogter van Claude Bowes-Lyon, 14de Graaf van Strathmore en Kinghorne en Cecilia Cavendish-Bentinck, ontmoet. Hy was vasbeslote om met haar te trou.[4]

Hoewel lady Elizabeth ’n afstammeling van koning Robert I van Skotland en koning Hendrik VII van Engeland was, was sy volgens Britse wet ’n gewone burgerlike. Sy het sy huweliksaanbod twee keer van die hand gewys en was glo huiwerig om die opofferings te doen om lid van die koningsgesin te word.[5] Ná ’n lang hofmakery het sy hom eindelik die jawoord gegee.[6]

Hulle is op 26 April 1923 in Westminster-abdy getroud. Lady Elizabeth het die titel HKH die Hertogin van York gekry. Albert se huwelik met ’n burgerlike is as ’n moderne gebaar beskou.[7] Hulle het twee dogters gehad: Elizabeth II, die huidige koningin, en prinses Margaret.

Die hertogin het hom gehelp om sy vrees te oorkom om in die openbaar te praat (weens sy gehakkel). Hy kon daarna heel goed praat, met slegs ’n effens huiwering.[8]

Onwillige koning

Op 20 Januarie 1936 is koning George V dood en prins Edward het die troon bestyg as Edward VIII. Omdat hy ongetroud was, het prins Albert die vermoedelike troonopvolger geword tot sy broer sou trou en kinders hê. Terwyl koning George V gelewe het, was hy teleurgsteld in Edward oor sy talle verhoudings met getroude vroue en het hy glo gesê Edward sal homself ruïneer binne twaalf maande ná sy (George se) dood.[9] Hy het verder gesê hy hoop Edward sal nooit kinders hê nie en dat niks sal kom tussen sy tweede oudste seun, Albert ("Bertie"), en sy kleindogter Elizabeth ("Lilibet") en die troon nie.[10] Minder as ’n jaar later, op 11 Desember 1936, het Edward VIII geabdikeer om te kan trou met sy minnares, Wallis Warfield Simpson, wat twee keer geskei was.

Bewind

 
Eleanor Roosevelt (middel), koning George VI en koningin Elizabeth in Londen, 23 Oktober 1942.

Albert het koning geword en die naam George VI aangeneem om kontinuïteit met sy pa se bewind te beklemtoon en vertroue in die monargie te herstel.[11] Hy is op 12 Mei 1937 gekroon, die datum waarop Edward gekroon sou word. Sy vroeëre bewind is gekenmerk deur ’n dreigende oorlog. Toe die Tweede Wêreldoorlog wel uitbreek, het die koning en koningin besluit om in Londen te bly en nie na Kanada te vlug soos wat voorgestel is nie. Hulle het amptelik in Buckingham-paleis gebly, hoewel hulle gewoonlik in Windsor-kasteel oorgeslaap het om bomaanvalle te vermy.

Regdeur die oorlog het hulle die volk moreel ondersteun deur plekke te besoek waar bomme geval het. Hulle het eenkeer ter nouer nood aan die dood ontkom toe ’n bom Buckingham-paleis getref het terwyl hulle daar was. Die koningin het agterna gesê: "Ek is bly ons is gebombardeer. Nou kan ons die Ooseinde in die gesig kyk."

 
Die koning speel jukskei tydens die koninklike besoek aan Suid-Afrika. Regs agter hom staan Jannie Hofmeyr, adjunkpremier, en links agter hom veldmaarskalk Smuts.

Van ryk tot statebond

Tydens George VI se bewind is die einde van die Britse Ryk, wat in 1926 begin het, bespoedig toe die Statebond tot stand gekom het en die Britse ryke mettertyd soewereine state geword het. Dit is geformaliseer met die Verordening van Westminster 1931.[12]

Siekte en dood

Die stres van die oorlog het ’n swaar las geplaas op die koning se gesondheid,[13] en dit is vererger deur sy rookgewoonte. Hy het op die ou end longkanker en ander siektes ontwikkel. Sy dogter prinses Elizabeth het al hoe meer van sy koninklike pligte oorgeneem.

Op 31 Januarie 1952 het hy teen die wil van mense na aan hom na die lughawe gegaan om prinses Elizabeth weg te sien op ’n toer na Australië via Kenia. Op 6 Februarie is George VI in die ouderdom van 56 jaar aan koronêre trombose oorlede in Sandringham House in Norfolk. Elizabeth was toe nog in Kenia en het dadelik teruggevlieg na Engeland, waar sy hom opgevolg het as koningin Elizabeth II.

Hy is op 15 Februarie in Sint George-kapel in Windsor-kasteel begrawe.[14] In 2002 is die oorskot van sy weduwee, koningin Elizabeth, die koningin-moeder, en die as van sy dogter Margaret langs hom begrawe.

Stamboom

 
 
 
 
 
 
 
 
 
 
 
 
 
 
 
 
 
 
Prins Albert van Sakse-Koburg en Gotha
 
 
 
 
 
 
 
 
 
 
 
Edward VII van die Verenigde Koninkryk
 
 
 
 
 
 
 
 
 
 
 
 
 
 
Victoria van die Verenigde Koninkryk
 
 
 
 
 
 
 
 
 
 
 
George V van die Verenigde Koninkryk
 
 
 
 
 
 
 
 
 
 
 
 
 
 
 
 
 
Christiaan IX van Denemarke
 
 
 
 
 
 
 
 
 
 
 
Prinses Alexandra van Denemarke
 
 
 
 
 
 
 
 
 
 
 
 
 
 
Louise van Hesse-Kassel
 
 
 
 
 
 
 
 
 
 
 
 George VI 
 
 
 
 
 
 
 
 
 
 
 
 
 
 
 
 
 
 
 


Verwysings

Hierdie artikel is merendeels vertaal vanaf die Engelse Wikipedia-artikel en:George VI of the United Kingdom
  1. Windsor, The Duke of (1951). A King's Story. Londen: Cassell & Co Ltd. p. 9.
  2. Wheeler-Bennett, pp.17–18.
  3. Matthew, H. C. G. (2004), "George VI (1895–1952)", Oxford Dictionary of National Biography (Oxford University Press) 
  4. Vickers, Hugo (2006). Elizabeth: The Queen Mother. Arrow Books/Random House. pp. 31, 44. ISBN 978-0-09-947662-7.
  5. Bradford, p.106.
  6. Bradford, p.77.
  7. Roberts, Andrew; Edited by Antonia Fraser (2000). The House of Windsor. Londen: Cassell & Co. pp. 57–58. ISBN 0-304-35406-6.AS1-onderhoud: ekstra teks: authors list (link)
  8. Current Biography 1942, pp.294–295.
  9. Middlemas, Keith; Barnes, John (1969). Baldwin: A Biography. Londen: Weidenfeld and Nicolson. p. 976. ISBN 0-297-17859-8.
  10. Airlie, Mabell (1962). Thatched with Gold. Londen: Hutchinson. p. 197.
  11. Howarth, p.66.
  12. . Die Statebond-sekretariaat. Geargiveer vanaf die oorspronklike op 2006-10-24. Besoek op 2007-02-26.
  13. "King George VI" (in Engels). Die amptelike webtuiste van die Britse monargie. vanaf die oorspronklike op 23 April 2020. Besoek op 6 Maart 2009.
  14. Bradford, p.462.
  • Bradford, Sarah (1989). King George VI. Londen: Weidenfeld and Nicolson. ISBN 0-297-79667-4.
  • Howarth, Patrick (1987). George VI. Hutchinson. ISBN 0-09-171000-6.
  • Matthew, H. C. G. (2004), "George VI (1895–1952)", Oxford Dictionary of National Biography (Oxford University Press) 
  • Sinclair, David (1988). Two Georges: the Making of the Modern Monarchy. Hodder and Staughton. ISBN 0-340-33240-9.
  • Wheeler-Bennett, Sir John (1958). King George VI: His Life and Reign. New York: Macmillan.

Eksterne skakels

  • CBC-argiewe – Die 1939-toer na Kanada

George VI van die Verenigde Koninkryk
george, verenigde, koninkryk, george, albert, frederick, arthur, george, desember, 1895, februarie, 1952, desember, 1936, dood, koning, verenigde, koninkryk, britse, dominiums, laaste, keiser, indië, 1947, laaste, koning, ierland, 1949, eerste, hoof, statebond. George VI Albert Frederick Arthur George 14 Desember 1895 6 Februarie 1952 was van 11 Desember 1936 tot met sy dood koning van die Verenigde Koninkryk en die Britse Dominiums Hy was die laaste keiser van Indie tot 1947 en die laaste koning van Ierland tot 1949 Hy was ook die eerste hoof van die Statebond George VIKoning van die Verenigde Koninkryk en die Britse Dominiums Keiser van IndieKoning George VI omtrent 1940 1946 Vorstehuis WindsorTitels SM die KoningSKH die Hertog van YorkSKH prins AlbertSKH prins Albert van WallisSKH prins Albert van Cornwallis en YorkSKH prins Albert van YorkRegeer 11 Desember 1936 6 Februarie 1952Keiser van Indie 1936 1947Koning van Ierland 1936 1949Kroning 12 Mei 1937Voorganger Edward VIIIOpvolger Elizabeth IIVolle naam Albert Frederick Arthur GeorgeGebore 14 Desember 1895 Sandringham House NorfolkOorlede 6 Februarie 1952 Sandringham House NorfolkBegrawe 15 Februarie 1952 St George kapel WindsorEggenote Elizabeth Bowes LyonKinders Elizabeth IIPrinses Margaret Gravin van SnowdonVader George VMoeder Mary van TeckAs die tweede seun van koning George V is nie verwag dat hy koning sou word nie Hy het tydens die Eerste Wereldoorlog in die Britse Vloot gedien en daarna die gewone openbare verpligtinge nagekom Hy is in 1923 met lady Elizabeth Bowes Lyon getroud en die egpaar het twee dogters gehad Elizabeth II die huidige koningin en prinses Margaret Met die dood van sy pa in 1936 het sy broer die troon bestyg as Edward VIII Minder as n jaar later het Edward egter geabdikeer om met die geskeide Amerikaanse sosiale vlinder Wallis Simpson te trou George het toe die troon bestyg as die derde monarg van die Huis van Windsor Binne 24 uur van sy troonbestyging het die Ierse parlement n wet deurgevoer wat die monarg wesenlik van mag ontneem het in Ierland Drie jaar later was die hele Britse Ryk behalwe Ierland betrokke in die Tweede Wereldoorlog teen Nazi Duitsland n Groot gevolg van die oorlog was die agteruitgang van die Britse Ryk met die VSA en die Sowjetunie wat supermoondhede geword het Met die onafhanklikwording van Indie en Pakistan in 1947 en die stigting van die Republiek van Ierland in 1949 is die Britse Ryk opgebreek en het dit oorgegaan in die Statebond Inhoud 1 Vroee lewe 2 Huwelik 3 Onwillige koning 4 Bewind 5 Van ryk tot statebond 6 Siekte en dood 7 Stamboom 8 Verwysings 9 Eksterne skakelsVroee lewe Wysig Vier konings Edward VII heel regs sy seun George Prins van Wallis heel links en kleinseuns prins Albert voor en Edward agter c 1908 Die toekomstige George VI was algemeen bekend as prins Albert en in sy familie as Bertie 1 Hy is by Sandringham House in Norfolk gebore tydens die bewind van sy oumagrootjie koningin Victoria Sy pa was prins George die Hertog van York later George V die tweede en oudste oorlewende seun van die Prins later Edward VII en Prinses later koningin Alexandra van Wallis Sy ma was die Hertogin van York later koningin Mary Albert was dikwels siek en het maklik geskrik en was geneig tot trane 2 Hy het jare lank gestotter en het chroniese maagprobleme gehad Hy is ook gedwing om met sy regterhand te skryf hoewel hy van nature linkshandig was 3 Koningin Victoria is op 22 Januarie 1901 oorlede en haar oudste seun het haar opgevolg as koning Edward VII Die Hertog van York het die nuwe Prins van Wallis geword Prins Edward was die tweede aanspraakmaker op die troon en prins Albert die derde Toe Edward VII op 6 Mei 1910 oorlede is het Albert se pa koning George V geword Prins Edward het op 2 Junie 1910 die Prins van Wallis geword en Albert was toe die tweede aanspraakmaker op die troon Huwelik WysigIn n tyd toe dit gebruiklik was vir koninklikes om met ander koninklikes te trou was dit ongewoon dat Albert n vrye keuse van n vrou gehad het In 1920 het hy lady Elizabeth Bowes Lyon die jongste dogter van Claude Bowes Lyon 14de Graaf van Strathmore en Kinghorne en Cecilia Cavendish Bentinck ontmoet Hy was vasbeslote om met haar te trou 4 Hoewel lady Elizabeth n afstammeling van koning Robert I van Skotland en koning Hendrik VII van Engeland was was sy volgens Britse wet n gewone burgerlike Sy het sy huweliksaanbod twee keer van die hand gewys en was glo huiwerig om die opofferings te doen om lid van die koningsgesin te word 5 Na n lang hofmakery het sy hom eindelik die jawoord gegee 6 Hulle is op 26 April 1923 in Westminster abdy getroud Lady Elizabeth het die titel HKH die Hertogin van York gekry Albert se huwelik met n burgerlike is as n moderne gebaar beskou 7 Hulle het twee dogters gehad Elizabeth II die huidige koningin en prinses Margaret Die hertogin het hom gehelp om sy vrees te oorkom om in die openbaar te praat weens sy gehakkel Hy kon daarna heel goed praat met slegs n effens huiwering 8 Onwillige koning WysigOp 20 Januarie 1936 is koning George V dood en prins Edward het die troon bestyg as Edward VIII Omdat hy ongetroud was het prins Albert die vermoedelike troonopvolger geword tot sy broer sou trou en kinders he Terwyl koning George V gelewe het was hy teleurgsteld in Edward oor sy talle verhoudings met getroude vroue en het hy glo gese Edward sal homself ruineer binne twaalf maande na sy George se dood 9 Hy het verder gese hy hoop Edward sal nooit kinders he nie en dat niks sal kom tussen sy tweede oudste seun Albert Bertie en sy kleindogter Elizabeth Lilibet en die troon nie 10 Minder as n jaar later op 11 Desember 1936 het Edward VIII geabdikeer om te kan trou met sy minnares Wallis Warfield Simpson wat twee keer geskei was Bewind Wysig Eleanor Roosevelt middel koning George VI en koningin Elizabeth in Londen 23 Oktober 1942 Albert het koning geword en die naam George VI aangeneem om kontinuiteit met sy pa se bewind te beklemtoon en vertroue in die monargie te herstel 11 Hy is op 12 Mei 1937 gekroon die datum waarop Edward gekroon sou word Sy vroeere bewind is gekenmerk deur n dreigende oorlog Toe die Tweede Wereldoorlog wel uitbreek het die koning en koningin besluit om in Londen te bly en nie na Kanada te vlug soos wat voorgestel is nie Hulle het amptelik in Buckingham paleis gebly hoewel hulle gewoonlik in Windsor kasteel oorgeslaap het om bomaanvalle te vermy Regdeur die oorlog het hulle die volk moreel ondersteun deur plekke te besoek waar bomme geval het Hulle het eenkeer ter nouer nood aan die dood ontkom toe n bom Buckingham paleis getref het terwyl hulle daar was Die koningin het agterna gese Ek is bly ons is gebombardeer Nou kan ons die Ooseinde in die gesig kyk Die koning speel jukskei tydens die koninklike besoek aan Suid Afrika Regs agter hom staan Jannie Hofmeyr adjunkpremier en links agter hom veldmaarskalk Smuts Van ryk tot statebond WysigTydens George VI se bewind is die einde van die Britse Ryk wat in 1926 begin het bespoedig toe die Statebond tot stand gekom het en die Britse ryke mettertyd soewereine state geword het Dit is geformaliseer met die Verordening van Westminster 1931 12 Siekte en dood WysigDie stres van die oorlog het n swaar las geplaas op die koning se gesondheid 13 en dit is vererger deur sy rookgewoonte Hy het op die ou end longkanker en ander siektes ontwikkel Sy dogter prinses Elizabeth het al hoe meer van sy koninklike pligte oorgeneem Op 31 Januarie 1952 het hy teen die wil van mense na aan hom na die lughawe gegaan om prinses Elizabeth weg te sien op n toer na Australie via Kenia Op 6 Februarie is George VI in die ouderdom van 56 jaar aan koronere trombose oorlede in Sandringham House in Norfolk Elizabeth was toe nog in Kenia en het dadelik teruggevlieg na Engeland waar sy hom opgevolg het as koningin Elizabeth II Hy is op 15 Februarie in Sint George kapel in Windsor kasteel begrawe 14 In 2002 is die oorskot van sy weduwee koningin Elizabeth die koningin moeder en die as van sy dogter Margaret langs hom begrawe Stamboom Wysig Prins Albert van Sakse Koburg en Gotha Edward VII van die Verenigde Koninkryk Victoria van die Verenigde Koninkryk George V van die Verenigde Koninkryk Christiaan IX van Denemarke Prinses Alexandra van Denemarke Louise van Hesse Kassel George VI Verwysings WysigHierdie artikel is merendeels vertaal vanaf die Engelse Wikipedia artikel en George VI of the United Kingdom Windsor The Duke of 1951 A King s Story Londen Cassell amp Co Ltd p 9 Wheeler Bennett pp 17 18 Matthew H C G 2004 George VI 1895 1952 Oxford Dictionary of National Biography Oxford University Press Vickers Hugo 2006 Elizabeth The Queen Mother Arrow Books Random House pp 31 44 ISBN 978 0 09 947662 7 Bradford p 106 Bradford p 77 Roberts Andrew Edited by Antonia Fraser 2000 The House of Windsor Londen Cassell amp Co pp 57 58 ISBN 0 304 35406 6 AS1 onderhoud ekstra teks authors list link Current Biography 1942 pp 294 295 Middlemas Keith Barnes John 1969 Baldwin A Biography Londen Weidenfeld and Nicolson p 976 ISBN 0 297 17859 8 Airlie Mabell 1962 Thatched with Gold Londen Hutchinson p 197 Howarth p 66 The History of the Commonwealth Die Statebond sekretariaat Geargiveer vanaf die oorspronklike op 2006 10 24 Besoek op 2007 02 26 King George VI in Engels Die amptelike webtuiste van die Britse monargie Geargiveer vanaf die oorspronklike op 23 April 2020 Besoek op 6 Maart 2009 Bradford p 462 Bradford Sarah 1989 King George VI Londen Weidenfeld and Nicolson ISBN 0 297 79667 4 Howarth Patrick 1987 George VI Hutchinson ISBN 0 09 171000 6 Matthew H C G 2004 George VI 1895 1952 Oxford Dictionary of National Biography Oxford University Press Sinclair David 1988 Two Georges the Making of the Modern Monarchy Hodder and Staughton ISBN 0 340 33240 9 Wheeler Bennett Sir John 1958 King George VI His Life and Reign New York Macmillan Eksterne skakels WysigWikimedia Commons bevat media in verband met George VI of the United Kingdom CBC argiewe Die 1939 toer na Kanada Ontsluit van https af wikipedia org w index php title George VI van die Verenigde Koninkryk amp oldid 2454750,